equipo de normalización e dinamización da lingua galega ies de cotobade

aquí a lingua galega ten futuro

Rosalía está de aniversario. Felices 175

No día de hoxe no IES de Cotobade queremos felicitar á nosa autora máis universal, Rosalía de Castro, polo seu 175 aniversario. As alumnas de 4º de ESO fixeron un fermoso programa de radio. en breve poderdes escoitalo.

02/24/2012 at 12:38 pm Comments (0)

Xa coñecemos aos gañadores do 1 Certame Creativo Literarios de SMS

I CONCURSO CREATIVO-LITERARIO “SMs DÍA DOS NAMORADOS” IES DE COTOBADE

O xoves 9 de febreiro de 2012 reuniuse o xurado do I Concurso creativo-literario de SMs en galego 2012 para elixir aos gañadores do certame.

O xurado estivo composto por María Pichel Lois, lectora e Concelleira de Turismo e Promoción Económica en representación do Concello de Cotobade; Ana María Ferreiro Gómez, nai lectora en representación das nais e pais do centro; Nuria Bouzas Antas alumna lectora pertencente ao Club de lectura do IES de Cotobade representando ao alumnado; Mónica Costas González, conserxe lectora; Rosa García Otero coordinadora-lectora do Club de lectura do IES de Cotobade e representante da Biblioteca do centro e Francisco Xosé Suárez Benito coordinador-lector do Equipo de dinamización da lingua galega do IES de Cotobade.

Tras unha difícil deliberación e ante a enorme calidade dos traballos participantes, o xurado do concurso decidiu outorgar un terceiro premio ex aequo. A entrega de premios realizouse nunha data especial, o 14 de febreiro e os premiados foron:

Primeiro premio: Álvaro Búa Fontán de 2º ESO A

Segundo premio: Noelia Suárez Domatos de 2º ESO A

Terceiro premio ex aequo: Carla Rey Suárez 3º ESO A e Alexandra Leboso Francisco de 1º ESO B

O número total de traballos presentado foi de vinte e cada un dos participantes que non acadaron un dos catro premios anteriores recibiu un agasallo pola súa colaboración.

O xurado quere agradecer a participación a todos os alumnos que se presentaron e felicitar a grande calidade lírica das súas mensaxes, ademais da orixinalidade á hora de crear as abreviaturas. As vosas creacións abreviadas serán recollidas nun pequeno dicionario que se poñerá á disposición de toda a comunidade escolar no blog de Normalización da lingua galega do centro.

Ollade aos traballos gañadores:

02/23/2012 at 8:41 am Comments (0)

Caretiñas e máscaras Entroidiño 2012


02/17/2012 at 10:51 am Comments (0)

Balbino con Pachín en Lalín

Aquí tedes a Balbino con Pachín de paseo por Lalín

02/17/2012 at 10:38 am Comments (0)

Entroidiño 2012 no IES de Cotobade

Velaquí o programa do ENTROIDO 2012


Celebración da festa do entroido o venres 17 de febreiro no IES de Cotobade.

Horario das actividades:

9:15h: Entrada no Centro e entrega dos doces para o concurso en Usos Múltiples.

9:15-12:20h: Clase normal

12:20-12:35h: Momento de disfrazarse (na aula).

Nota: Cada profesor vixiará ao grupo co que teña clase durante a 4ª hora da mañá. Non se utilizarán os servizos para disfrazarse. Se se quere ir ao servicio, só se poderán utilizar os da planta baixa.

12:35-12:50h: Degustación de postres na planta baixa e inscrición para o concurso de disfraces en Conserxería.

12:50-13:15h: Recreo.

13:15-13:40h: Desfile de disfraces en Usos Múltiples.

13:40-14:10h: Baile (momento da votación dos mellores disfraces).

14:10-14:25h: Entrega de premios dos concursos de disfraces, caretas e doces en Usos Múltiples.

14:25-14:35h: Tempo para que os alumnos disfrazados se cambien na aula e a recollan. Cada grupo será vixiado polo profesor/-a da materia correspondente á 6ª hora.

Nota: Os alumnos que non se disfracen axudarán a preparar e a recoller as mesas.

02/16/2012 at 1:25 pm Comments (0)

Recoñeces este cadeliño?

Aquí tedes a Balbino e ao seu can Pachín que están celebrando os cincuenta anos de “Memorias dun Neno Labrego“, de Xosé Neira Vilas

Se tedes un can que pasea como un can da aldea escribide a aventura, facede unha foto xuntos e subídea e traédea. Estades convidados a participar!

 


02/16/2012 at 12:46 pm Comments (0)

As máscaradas de Cotobade. A MOMADA

As mascaradas de COTOBADE son unha boa expresión das licenzas do entroido e do espírito satírico burlesco propio do momento. O desfile da “Momada” era da parroquia e visitaba as aldeas da zona.  As mascaradas compoñíanse de lanceiros, madamitos, maragatos, oficios, muradás, vellas e vellos. Tedes máis información no CARTAFOL nº2 do IES de Cotobade e nos taboleiros. Animádevos a recuperar este Antroidiño! Como esta comitiva de madamitos.

02/16/2012 at 11:14 am Comments (0)

Preparádevos xa queda pouco para a Momada

Xa queda menos para o noso Entroidiño, A Momada de Cotobade. Estades preparando a sobremesa de entroido? Que boas han de estar esas filloas, doces, orellas, estrelas, chulas e… Uhmmmm!!! xa vos iremos contando.

Esta imaxe deixa claro que o estades  tomando en serio.

02/15/2012 at 8:29 am Comments (0)

Felicidades a Jessica Marcial e súa parella de baile Pablo García

O Equipo de dinamización da lingua galega do IES de Cotobade e tamén os teus compañeiros e compañeiras do IES de Cotobade querémoste felicitar, Jessica Marcial Fentanes, e tamén a túa parella de baile Pablo García, por gañar o concurso Os Reis da Muiñeira no programa da TVG A Solaina e pasar deste xeito á final do mes de febreiro.

O programa, en directo, emitiuse o día 2 de febreiro, por certo o día que casaron os paxariños. Foron ataviados co traxe de cotío e a peza que bailaron foi a Muiñeira de Santa Xuliana.

Van volver participar o día 23 de febreiro, estade atentos será sobre as seis da tarde.

Velaquí o programa do día 02-02-2012, para ver a Jessica e a Pablo tedes que ir ao minuto 49. Por certo xa sabedes que ambos os dous bailan nos Trazantes de Tenorio.


02/15/2012 at 8:16 am Comments (0)

Un galano para o día dos namorados

Desde o EDLg do IES de Cotobade queremos desexarvos un feliz día e convidarvos a seguir amando á vida, aos amigos, a nosa lingua, a cultura galega, a Cotobade enteiro e a… que ti xa sabes.

Tamén queremos facervos un agasallo musical con este vídeo clip de Aires de Montillón, de Pepe Vaamonde Grupo, onde o amor e o amar están presentes.

02/14/2012 at 8:58 am Comments (0)

« Older Posts