equipo de normalización e dinamización da lingua galega ies de cotobade

aquí a lingua galega ten futuro

Facendo hip hop en galego con Aíd

Non era sen tempo, velaquí tedes o vídeo do Hip Hop, espero que vos guste e que gocedes coa música de Aíd.

E graciñas a ti Aíd por todo. Bks desde Cotobade.

Saúdos do teu fan number one (Pablo Gabián) que estivo atentísimo, e en primeira fila, durante todo o obradoiro.

07/06/2012 at 9:25 am Comments (0)

Que teñades un verán de festa

Con este vídeo queremos desexarvos un verán cheo de festas e de festas para a nosa lingua.

06/22/2012 at 7:09 pm Comments (0)

O IES de Cotobade no Correlingua 2012

Un grupo de alumnos/as do Ies de Cotobade participarmos no Correlingua 2012. Foi unha xornada para comprometernos co uso do galego. Fixemos un percorrido polas rúas portando pancartas,  lemas ledicia e sorrisos. Estaban tamén alumnos de Carballedo “neste concello damos a cara pola lingua galega”. Tamén se achegaron meniños, rapaces/as,mozos, mestres/as doutros pobos.

05/14/2012 at 6:01 pm Comments (0)

Xa temos código QR de noso

Aquí vos deixamos o noso código QR por se nos queredes levar no móbil.
Códigos QR / Qr Codes

05/14/2012 at 5:55 pm Comments (0)

Competicións deportivas Cotobade vs Forcarei

O pasado 29 de febreiro celebráronse no IES de Cotobade as Competicións deportivas anuais co IES Chano Piñeiro de Forcarei. Nesta primeira xornada as rapazas foron as protagonistas das diferentes modalidades deportivas. Os resultados foron os seguintes:

Bádminton (Cotobade – 5 – Forcarei – 0)
Xadrez (Cotobade – 0 – Forcarei – 2)
Proba Cultural (Cotobade – 1 – Forcarei – 1)
Tenis de mesa (Cotobade – 0 – Forcarei – 1)
Voleibol (Cotobade – 1 – Forcarei – 0)
Baloncesto (Cotobade – 14 – Forcarei – 14)
Balonmán (Cotobade – 7 – Forcarei – 0)
Fútbol (Cotobade – 4 – Forcarei – 1)

Aquí vos deixamos este vídeo:

O venres 2 de marzo viñeron os rapaces. Estes foron os resultados das probas masculinas:

Bádminton (Cotobade – 5 – Forcarei – 0)
Xadrez (Cotobade – 1 – Forcarei – 1)
Proba Cultural (Cotobade – 0 – Forcarei – 2)
Tenis de mesa (Cotobade – 0 – Forcarei – 2)
Voleibol (Cotobade – 75 – Forcarei – 48)
Baloncesto (Cotobade – 18 – Forcarei – 6)
Balonmán (Cotobade – 4 – Forcarei – 5)
Fútbol (Cotobade – 3 – Forcarei – 2)

Aquí podedes ver un resumo das probas:


Os resultados parciais foron:
Competicións femininas: Cotobade 4 – Forcarei 2
Competicións masculinas: Cotobade 5 – Forcarei 4

O resultado final: Cotobade 9 – Forcarei 6

Graciñas ao IES Chano Piñeiro por vir a Cotobade e ata o vindeiro ano.

03/07/2012 at 5:47 pm Comments (0)

Felicidades a Jessica Marcial e súa parella de baile Pablo García

O Equipo de dinamización da lingua galega do IES de Cotobade e tamén os teus compañeiros e compañeiras do IES de Cotobade querémoste felicitar, Jessica Marcial Fentanes, e tamén a túa parella de baile Pablo García, por gañar o concurso Os Reis da Muiñeira no programa da TVG A Solaina e pasar deste xeito á final do mes de febreiro.

O programa, en directo, emitiuse o día 2 de febreiro, por certo o día que casaron os paxariños. Foron ataviados co traxe de cotío e a peza que bailaron foi a Muiñeira de Santa Xuliana.

Van volver participar o día 23 de febreiro, estade atentos será sobre as seis da tarde.

Velaquí o programa do día 02-02-2012, para ver a Jessica e a Pablo tedes que ir ao minuto 49. Por certo xa sabedes que ambos os dous bailan nos Trazantes de Tenorio.


02/15/2012 at 8:16 am Comments (0)

Un galano para o día dos namorados

Desde o EDLg do IES de Cotobade queremos desexarvos un feliz día e convidarvos a seguir amando á vida, aos amigos, a nosa lingua, a cultura galega, a Cotobade enteiro e a… que ti xa sabes.

Tamén queremos facervos un agasallo musical con este vídeo clip de Aires de Montillón, de Pepe Vaamonde Grupo, onde o amor e o amar están presentes.

02/14/2012 at 8:58 am Comments (0)

Hoxe 2 de febreiro casan os paxariños

Non notastes??… que os paxariños rechouchían ultimamente cun trilo máis forte? Senón é así, escoitade desde Cotobade a esta cotovía co seu trilo desesperado buscando parella. E sabedes por que a procura? A razón é que…

… hoxe dous de febreiro casan os paxariños.

De seguro que lle tedes escoitado isto infinitas veces a infinitas avoas, ou a infinitas veciñas, con certo ton de melancolía e perdida mirada namorada cara ao ceo.

Pois si están no certo, xa que na nosa tradición esta data asóciase cun bodorrio moi especial, o de tódolos paxariños e tódalas paxariñas que comezan a súa loita polo apareamento.

Co motivo desta data desde o Equipo de Normalización do Galego do IES de Cotobade e con voz de cotovía queremos facervos unha proposta tripla:

a)  Podedes recuperar a tradición oral con dous refráns:

“A partir da Candeloria, ningunha ave voa soa”

“Cando a Candeloria chora, medio inverno vai fóra;

que chore, que deixe de chorar,

a metade do inverno está por pasar”.

b)  Se preferides escoitar música da boa non deixedes de elixir aos:

 Herdeiros da Crus, grupo mítico do rock galego que volve estar de actualidade, co seu tema Pío Pío Paxariño.

c)  Ou se non lembrade a voz dos nosos poetas lendo este fermoso poema hilozoísta ou imaxinista do poeta pontevedrés Luís Amado Carballo

A CANDELORIA

Na catedral do abrente
hoxe casan os paxaros,
con nubes de neve e ouro
está o ceo engalanado.

Ficou o día ancorado
na ría donda do ceo.
Os roibéns soben no lonxe
como rosarios de incenso.

O xantar do casamento,
roibo, na palma da man
das eiras madrugadoras
xa está arranxado no val.

Vai tocando polo campo
a súa zanfona o rego
e canta o vento nas farpas
sonorosas dos piñeiros.

O campo as montañas ruzas
envolve en capa pluvial
co hisopo do sol mollado
  dállesa beizón nupcial.

Do casebre nugallán
soben os vivas dos galos
e na festa desta noite
estrea un luar o campo.

PROEL, AMADO CARBALLO

(texto adaptado)

02/01/2012 at 10:51 pm Comments (0)

A viaxe de Hércules

Sempre estás a tempo de falar galego:

Curtametraxe documental que constitúe unha crónica do achegamento á lingua galega do profesor de química andaluz Domingo Ruiz Pineda. Producida polo IES Perdouro de Burela e realizada por Matías Nicieza. Obra vinculada co Modelo Burela de Planificación Lingüística. Música: “First Chill of Autumn”, de Kevan Paull. Licenza Creative Commons.

02/01/2012 at 10:21 pm Comments (0)

As mentiras sobre o galego

01/31/2012 at 7:53 pm Comments (0)

« Older Posts