equipo de normalización e dinamización da lingua galega ies de cotobade

aquí a lingua galega ten futuro

PROXECTO DRAGAL-2015-2016

O libro:Dragal I. A  herdanza do dragón da autora Elena Gallego Abad chega ao noso centro.Partindo da lectura da novela traballaremos a comprensión e a interpretación do contido cultural/máxico,tanto coa interpretación de textos como coa investigación ou desenvolvemento de xogos.Estamos preparando a participación no Proxecto Dragal…..contamos con todos/as para colaborar!

01/20/2016 at 2:22 pm Comments (0)

8 DE MARZO, DÍA DA MULLER

Días das mulleres son todos. Pero o 8 de marzo lembrámolo para que ninguén se esqueza, nin nolo queira facer esquecer. Por iso desde a casa, desde o cole, desde o concello, recoñecemos o labor das mulleres que nos están máis próximas: as nais.

04/10/2014 at 11:48 am Comments (0)

EXPOSICIÓN “O GALEGO TAMÉN NOUTROS MUNDOS”

En xaneiro deste ano tivemos a sorte de poder dispoñer no noso centro desta exposición, cedida polo Servizo de Normalización Lingüística do Concello de Pontevedra. Con ela aprendimos que a nosa lingua ocupa moitos espazos, tanto xeográficos como sociais, e que persoeiros ben importantes, úsana, deféndena, e son grandes tamén grazas a ela.

,
03/27/2014 at 1:28 pm Comments (0)

CONCURSO DE MONÓLOGOS PARA O NADAL

Podemos festexar o Nadal de moitos xeitos pero cómpre facelo sempre con humor. Por iso convocamos o seguinte concurso. Podédelo poñer en práctica tamén nas xuntanzas familiares; unha boa gargallada a tempo pode previr moitos males…

 

 

CONCURSO DE MONÓLOGOS

20 de decembro: festival de Nadal

Xa chega o Nadal e, con el, as festas, as reunións familiares e moitos personaxes que só nos visitan unha

vez ao ano. Se queres meterte na pel dalgún deles para saber o que pensan, o que senten, mesmo o que

sofren, participa neste concurso.

Estas son as bases:

  • Escolle un personaxe típico do Nadal: algún dos Reis Magos, o Apalpador, Papá Noel, o amigo

              invisible, un participante dunha das típicas ceas de empresa, a árbore de Nadal, o boneco de neve…

  • Métete na súa pel e elabora un monólogo en galego.

  • Inscríbete no concurso antes do 18 de decembro. Para iso fala con calquera das profes de galego e xa te apuntan.

  • Faino o mellor que saibas. E moita sorte!!!!!!!!!!!!!!!!!!!!!

EQUIPO DE DINAMIZACIÓN DA LINGUA GALEGA

 

, ,
12/12/2013 at 1:16 pm Comments (0)

OS NENOS IRLANDESES TAMÉN CANTAN A ROSALÍA

Xa sabemos que o 2013 é ano rosaliano. Pero non só aquí. Alén das nosas fronteira tamén saben apreciar a calidade da poeta. No colexio de primaria St. Mary’s School de Mullaghbawn, en Irlanda do Norte, se cadra por ser país de emigrantes coma nós, se cadra por ter unha paisaxe ben parecida á nosa, inzada de ríos e fontes, ou se cadra polo bo gusto literario, homenaxean a Rosalía de Castro recitando un dos seus poemas máis famosos en inglés e en galego. Non o perdades!

 

 

12/03/2013 at 10:52 am Comments (0)

O Samaín

O día 30 de novembro celebramos o Samaín no noso centro. Ademais dos clásicos concursos de postres e de cabazas, este houbo un cuestionario en inglés sobre o Halloween e unha representación teatral na que se dramatizaban algunhas celebracións do Día de Todos os Santos da nosa contorna.

 


11/15/2013 at 12:29 pm Comments (0)

CARTONEIRAS-CANTARES GALLEGOS

A exposición Rosalía sempre viva, viva Rosalía! completouse cunha iniciativa da profe Paloma Domínguez. Partindo dunha experiencia da Arxentina da crise, que antes que renunciar á cultura por problemas económicos buscaron recursos orixinais para encadernar as obras literarias, fixemos a nosa particular edición de Cantares Gallegos decorando as pastas de cartón ao noso gusto, ao gusto do consumidor.

 

Podes achegarte a esta experiencia tan chula a través deste vídeo:

http://www.youtube.com/watch?feature=player_detailpage&v=7PV1KKfvtd0

, ,
11/12/2013 at 5:04 pm Comments (0)

EXPOSICIÓN ROSALÍA SEMPRE VIVA, VIVA ROSALÍA!

O 2013 é o ano Rosalía porque hai 150 anos que se publicou o seu poemario Cantares Gallegos. Durante o curso pasado  fixemos varias actividades para conmemorar esta data. Quixemos seguir coa festa rosaliana no novo curso escolar. Por iso seguimos aprendendo máis da súa vida e obra con esta exposición sobre Rosalía, cedida en préstamo polo Serviz0 de Normalización Lingüística do Concello de Pontevedra, que estivo no noso centro desde o 25 de setembro ata o 9 de outubro.

Incluso se fixeron eco da nosa exposición na prensa!!

http://www.noticieirogalego.com/2013/09/a-exposicion-rosalia-sempre-viva-viva-rosalia-comeza-o-curso-no-ies-de-cotobade/

,
11/12/2013 at 4:33 pm Comments (0)

O Cartafol virtual

Xa podedes consultar o Cartafol do curso pasado. Boa lectura!

,
10/22/2013 at 1:44 pm Comments (0)

Os tres últimos números de “Ollos de Aula”:

,
05/09/2013 at 9:38 pm Comments (0)

« Older Posts